कालचा जागतिक महिला दिवस संमिश्र भावनांसोबत संपला. अवतीभोवती वावरणाऱ्या सामाजिक, व्यावसायिक वा मानसिक स्थैर्याच्या दृष्टिकोनातून यशस्वी स्त्रियांकडं पाहिलं की एका विशिष्ट दिवशी जागतिक महिला दिन साजरा करण्याऐवजी त्यांचं कौतुक दररोज करायला हवं हा मुद्दा नक्कीच पटतो. त्याचबरोबर असंख्य स्त्रियांच्या हक्कांची जाणीव करुन देण्याचं काम हा दिन करतो हे ही जाणवतं. पण ही जाणीव कृतीत परिवर्तित होत नाही ही खंत!
आधुनिक स्त्रीच्या यशात पुरुषांचा कितपत वाटा आहे ह्या विषयीच्या काही संदेशांची देवाणघेवाण काल वाचनात आली. विचार करताना मनात विचार आला की ज्या स्त्रियांना छोटीशी का होईना पण स्वतःची एक गोंधळ / अडथळा विरहीत अशी स्पेस जागा मिळते त्या स्त्रिया यशस्वी होण्याची शक्यता बरीच वाढते. अशी स्वतःची स्पेस मिळू शकलेल्या स्त्रिया ह्या जागेपेक्षा अनेक मोठ्या पटीने व्याप्ती असलेली क्षेत्रं काबीज करु शकतात.
स्त्रियांच्या यशात पुरुषांचा वाटा असला तर हाच असू शकतो! आपल्या आयुष्यातील स्त्रीला तिची स्वतःची अशी तणावमुक्त स्पेस द्या! हल्ली अवतीभोवती वाघसिंह वावरत नाहीयेत त्यामुळं त्यांच्यापासुन स्त्रीचं संरक्षण करायचं नाहीय! पण तिच्या स्थिर मनोस्थितीला उपद्रवी ठरणारे असंख्य घटक वातावरणात वावरत असतात. त्यांना वेळीच ओळखुन त्यांच्यापासुन आपल्या स्त्रीच रक्षण करा!
ह्या पोस्टला अनुरुप अशी प्रतिमा शोधण्यासाठी 'Woman in a bubble' असा शोध घेतला असता असं जाणवलं की ह्या प्रतिमेचा दुसरा अर्थ सुद्धा होऊ शकतो! तुम्ही स्त्रीला एका विशिष्ट क्षेत्रात मर्यादित करु पाहत आहात! पण मला तो अर्थ अभिप्रेत नाहीये ! शांत अशी छोटीशी आपली स्पेस मिळालेली स्त्री त्याहुन कैक पटीनं मोठं क्षेत्र आपल्या विचारांनी, कर्तृत्वानं प्रभावित करु शकते!
Happy Women's Day!
Correct point!!
उत्तर द्याहटवा