आपल्या कळत नकळत आपली स्वभाववैशिष्टये आपल्या वर्तवणुकीचा कब्जा घेत असतात. जन्मतः आपण एक विशिष्ट स्वभाव, सवयी घेऊन आलेलो असतो. आणि जो मनुष्यगट ह्या स्वभावाशी, सवयीशी साधर्म्य दर्शवितो त्या मनुष्यगटाकडे आपण नैसर्गिकपणे ओढले जातो, त्याच्याशी आपण affinity दर्शवितो.
आयुष्याच्या नंतरच्या टप्प्यावर आपण नैसर्गिकरित्या ज्या गटाचे सदस्य नसतो त्या गटाकडे आपण आकर्षित होऊ शकतो. ह्यात व्यावसायिकरित्या पुढे जाण्याची ओढ, काही विशिष्ट वयानंतरसुद्धा तरूणपणा सिद्ध करण्यासाठी तरुणाईच्या गटाकडे पडणारी पावलं अशा काही उदाहरणाचा समावेश होतो. अशा उदाहरणात जिथं आपण त्या गटाचे नैसर्गिकरित्या सदस्य नसतो त्या उदाहरणात "आतले" बनुन राहण्यासाठी आपल्याला थोड्याफार अथवा जास्त प्रमाणात मेहनत करावी लागते.
थोडं वेगळं उदाहरण! एखाद्या नटून थटून भरलेल्या लग्नाच्या मांडवात अथवा एखाद्या conference मध्ये आपण ज्या क्षणी प्रवेश करतो त्यावेळी आपण हा बाह्यपणा पुरेपूर अनुभवत असतो. आपली वेशभूषा, अशा माणसाने भरलेल्या जागेतलं आपलं सुरुवातीचं वावरणं हे सर्व काही लवकरात लवकर "आतलं" बनण्यासाठीची आपली धडपड ह्या प्रकारात मोडतं. ह्यात लवकरात लवकर हा भाग फार महत्वाचा! लवकरात लवकर आपल्याला स्वीकारलं जावं ह्यासाठी आपण वेषभूषेवर अवास्तव खर्च करतो. सुरुवातीची काही मिनिटं आपलं वागणं जणूकाही आपल्यावर हजारो कॅमेरे रोखले गेले आहेत ह्या प्रकारातील असतं.
मुद्दा असा आहे की जर आपण "बाहेरचा" ह्या प्रकारात राहुन दाखविण्याची तयारी, मानसिक कणखरता काही काळ दर्शविली तर आयुष्य बरंच सोपं होऊ शकतं. ह्यातही दोन प्रकार येतात -
पहिला म्हणजे काही काळ "बाहेरचा" बनुन राहणं
दुसरा म्हणजे कायमस्वरूपी "बाहेरचा" बनुन राहणं.
पोस्टचा उद्देश इतकाच - आपली अशी काही धडपड चालू असेल तर ती नक्की कशासाठी ह्याचं उत्तर किमान स्वतःला माहित करुन घ्या!
its more better and easy to be youself than sustaining outer unreal image.
उत्तर द्याहटवाbe yourself and introspect what is good and bad associate with internal.
purify your original image and let come in front of world in natural way. since it is natural world accept natural way. originality has always edge over copy, unnatural.
all great people including steve jobs current example put their thoughts in their natural way and he become icon for others to copy that.