मराठी ब्लॉगर्स नेटवर्क - Marathi Bloggers Network!

शनिवार, १७ फेब्रुवारी, २०१८

चंद्रवसाहत - भाग १!



सन - २०८८
स्थळ - चंद्र (पृथ्वीचा)
बैठक विषय - चंद्रावरील वसाहतीचे नियम ठरविणे 

सभासदांपुढे चर्चेसाठी आलेले विषय 
१) पृथ्वीवरील देशांची संरचना चंद्रावर देखील शाबुत ठेवायची की देशविरहित संरचना पाळायची ?
२) चंद्रावरील एक दिवस सुमारे २८ पृथ्वीदिवसाइतका असल्यानं मनुष्याच्या शरीरात होणाऱ्या बदलांचे मापन कसे करायचे? साप्ताहिक सुट्टी घ्यायची कधी?
३) चंद्राची गुरुत्वाकर्षण शक्ती पृथ्वीच्या गुरुत्वाकर्षण शक्तीच्या १/६ पट असल्यानं, स्थुल व्यक्तीची व्याख्या बदलायची का?
४) पृथ्वीवरील गुन्हेगार चंद्रावर पळाला तर त्याचे गुन्हे कायम राहतील का?
५) माणसाची मंगळावर सुद्धा वसाहत होणार आहे. पृथ्वी आणि मंगळ हे सुर्याचे थेट उपग्रह तर चंद्र पृथ्वीचा उपग्रह - त्यामुळं चंद्रावरील माणसांना दुय्यम वागणुक तर मिळणार नाही ना?
६) पृथ्वीवरील खेळातील सर्व नियम, विक्रम चंद्रावर कोणत्या रुपात लागु होणार?
७) चंद्रवाल्यांचे WhatsApp, FB वेगळं असायला हवं. 
८) पृथ्वीवरील विविध चलने आणि चंद्रीय चलन ह्याचा विनिमय दर किती राहणार?

बैठक सुरु असताना अचानक जोशी धावत धावत (उडत उडत ) आत आले आणि त्यांनी एक कागद बैठकीच्या अध्यक्षांकडे दिला. अध्यक्ष अगदी प्रभावित झाले आणि त्यांनी त्या कागदावरील मुद्द्यांचे वाचन सुरु केले. 

१) तोच चंद्रमा नभात , मधु इथे अन चंद्र तिथे ह्यासारख्या असंख्य गाण्यात चंद्राचा उल्लेख आहे. सरसकट ही सर्व गाणी बदलुन त्यात पृथ्वीचा उल्लेख करणे कितपत योग्य राहील? आणि योग्य असलेल्या गाण्यांचे पुनर्लेखन करण्याची जबाबदारी कोणाची? पृथ्वीवरील कवींनी भविष्यवादी उदार दृष्टिकोन का स्वीकारला नाही?

२) प्रेयसीच्या चेहऱ्याला 'ये पृथ्वीसा चेहरा' बोलल्यास होणाऱ्या परिणामाची जबाबदारी कोणाची?

२) साळगावकर चंद्रवासीयांसाठी नवीन कालनिर्णय कधी प्रसिद्ध करणार ? संकष्टीचे काय?

३) ईद कशी साजरी होणार? 

४) चंद्र पृथ्वीवरील आकाशात जितका मोठा दिसतो त्यापेक्षा पृथ्वी चंद्रावरील आकाशात चौपट मोठी दिसते. हा दुजाभाव का?

५) पुण्याच्या लोकांना आपली संस्कृती कायम ठेवता यावी म्हणून चंद्रावर वेगळी जागा कधी मिळणार?

६) पृथ्वीवरील पुरुष आणि चंद्रावरील स्त्री (किंवा vice-versa) ह्यांनी लग्न केल्यास त्याला अंतरग्रहीय लग्न म्हणणार का? चंद्रावरील स्त्रीला पृथ्वीवर सून म्हणुन दुय्यम वागणुक मिळेल का?  

अध्यक्ष काहीसे संभ्रमात पडले होते. "ह्या सर्व प्रश्नांची उकल  आताच करणे शक्य होणार  नाही. मी  ही सभा  आता स्थगित करत आहे. पुढील बैठकीत ह्या प्रश्नांवर विस्तृत चर्चा केली जाईल!!""

(तळटीप - चांगले मुद्दे सुचल्यास , वाचकांनी सुचवल्यास दुसरा भाग लिहिला जाईल , अन्यथा नाही  - आदित्य  (जोशी नव्हे !!)

कोणत्याही टिप्पण्‍या नाहीत:

टिप्पणी पोस्ट करा

भटकंतीचा महिना !

२६ जानेवारी ते २४ फेब्रुवारी ह्या २९ दिवसांत चांगलीच भटकंती झाली. त्यातील बहुतांशी प्रवास कामानिमित्त आणि एक जवळचा प्रवास शालेय स्नेहसंमेलना...