अमेरिका भेटीचा तिसरा दिवस. आतापर्यंतच्या प्रवासातील ही काही छायाचित्रे ! ह्याआधीच्या पोस्टमध्ये आंतरराष्ट्रीय प्रवासातील सर्व टप्प्यांचे सविस्तर वर्णन करून वाचकांना कंटाळा आणल्यामुळं आता फक्त छायाचित्रं आणि त्यांचे संदर्भ असं ह्या पोस्टचे स्वरूप !
मुंबई - लंडन प्रवासात विमानामध्ये स्वागत ! सोबतीला संत्रा रस !
साडेनऊ तासांच्या प्रवासामध्ये झोपी जाण्याआधी देण्यात आलेला चिकन रोल ! मागच्या वेळी बहुदा हा हलका नाश्ता देण्यात आला नव्हता ! मांसाहाराच्या बाबतीत असलेली वारांची बंधनं हवेत न पाळण्याचा ह्यावेळी घेण्यात आलेला निर्णय!
लंडनला उतरण्याआधी देण्यात आलेला मनसोक्त नाश्ता ! हा फोटो फक्त स्टार्टरचा आहे ! मेन कोर्स पाहताक्षणी त्यावर तुटून पडल्यानं फोटो घेण्याचं राहून गेलं !
लंडन विमानतळावर उतरण्याआधी असलेलं ढगांचं आवरण !
लंडन विमानतळावर टर्मिनल पाचवरून टर्मिनल तीनकडे जाणाऱ्या बसमधून दिसणारी विमानं !
लंडन विमानतळावरील ब्रिटिश एअरवेयसच्या लाऊंज मधील फोटो !
इथं फळांचाच जास्त फडशा पाडण्यात आला !
टर्मिनल पाचवरील शॉपिंग विभागात निर्मोही मनानं घेतलेला फोटो !
आता उड्डाण अमेरिकेच्या दिशेनं !
इथं आलेल्या भोजनातील स्टार्टर ! पुन्हा एकदा मेन कोर्सचे फोटो घ्यायचं राहून गेलं ! मेन कोर्स खरंतर मी salman मासा सांगितला होता. पण एअर होस्टेसने चिकन आणि बासमती भात आणून दिला !
पण डेसर्टचा फोटो न चुकता घेतला ! हे इतकं चविष्ट होतं की पोट गच्च भरलेलं असून सुद्धा संपूर्ण संपविलं !
फिलाडेल्फियाला उतारण्याआधी ! नेहमीप्रमाणं काचा टिंटेड करण्यात आल्यानं अंधार झाला होता!
विमानतळावरून हॉटेलमध्ये सोडणारा अमेरिकेच्या सैन्यात काम केलेला मायकल ! हा तीस वर्षांपूर्वी फिलिपाइन्स मध्ये होता. ह्याच्या म्हणण्यानुसार भारतीय जेवण ह्याच्या आवडीचं ! तो बहुदा पालक पनीर खूप आवडतं असं म्हणाला ! खूप चांगला माणूस!
कालची रम्य पहाट !
सकाळच्या नाश्त्याच्या वेळी हॉटेलच्या डायनींग भागात घेतलेला फोटो!
कालचा नाश्ता !
काल सकाळी कार्यालयात जाण्याआधी घेतलेलं छायाचित्र !
कार्यालयातील डेस्कजवळील खिडकीतून दिसणारे मनोहर दृश्य !
पहिल्या दिवस संपला ! सहकाऱ्यांसोबत बाहेर पडल्यानंतर एका टेक अवेच्या बाहेर घेतलेलं छायाचित्र
सहकाऱ्याच्या घरी जेवायला गेलो. तिथं सायंकाळी त्याच्या कुत्रीसोबत चालायला गेलं असतांना दिसलेला ससा !
सहकाऱ्याने पाळलेली सुंदर कुत्री ! पण तिनं माझ्या अंगावर उड्या मारण्याचे असंख्य प्रयत्न करून मला हैराण केलं !
नेहमीप्रमाणं जेट lag खूप सतावतोय ! परवा सहा आणि आज चार तास झोप मिळाली आहे ! बघुयात पुढं काय सुधारणा होते का !
कोणत्याही टिप्पण्‍या नाहीत:
टिप्पणी पोस्ट करा